छायाचित्र दालन

रायगड जिल्हा परिषदेच्या महिला व बालविकास विभागाच्या माध्यमातून महिला व बाल कल्याण विभाग, रायगड जिल्हा परिषद-अलिबाग यांच्या वतीने सोमवारी ता.4 रोजी रायगड जिल्ह्यातील सर्व बालविकास प्रकल्प अधिकारी,विस्तार अधिकारी, पर्यवेक्षिका आणि अंगणवाडी सेविकांसाठी एक दिवसीय प्रशिक्षण घेण्यात आले.
रायगड जिल्हा परिषदेच्या महिला व बालकल्याण समितीच्या नवनिर्वाचित सभापती रसिका केणी यांच्या प्रमुख उपस्थितीत कुरूळ येथील सुरूची हाॅलमध्ये हे प्रशिक्षण पार पडले. यावेळी सभापती रसिका केणी तसेच जिल्हा परिषद सदस्या मानसी दळवी यांनी उपस्थित जिल्हास्तरीय बालविकास प्रकल्प अधिकारी, विस्तार अधिकारी, पर्यवेक्षिका आणि अंगणवाडी सेविकांशी संवाद साधून विभागाच्या कामकाजाचा सविस्तर आढावा घेतला. अंगणवाडी स्तरावर राबवल्या जाणा-या योजना, बालकांचे पोषण आणि महिलांच्या आरोग्यासाठी अधिक प्रभावीपणे काम करण्याबाबत त्यांनी मार्गदर्शन केले. आपल्या जिल्ह्यातील प्रत्येक बालक सुदृढ व्हावे आणि प्रत्येक महिलेला शासनाच्या योजनांचा लाभ मिळावा, हाच आमचा मुख्य उद्देश आहे. त्यामुळे आपण सर्वांनी मिळून यासाठी काम करू, असे आवाहनही यावेळी त्यांनी केले.
प्रशिक्षण कार्यक्रम व आढवा बैठकीसाठी महिला व बालकल्याण समितीच्या सभापती रसिका केणी यांच्यासह, जिल्हा परिषद सदस्य तथा महिला व बालकल्याण समिती सदस्य मानसी दळवी, समितीच्या सदस्य उर्वशी वाडकर, मनाली काळीजकर, पंचायत समिती सभापती रंजना वासकर, पंचायत समिती सभापती स्मिता पाटील, पंचायत समिती सभापती विजया पाशिलकर, जि.प. सदस्य वर्षा दोरे, जि.प. सदस्य सुवर्णा ठाकरे, जिल्हा महिला व बालकल्याण अधिकारी निर्मला कुचिक, विभागाचे अधिकारी, कर्मचारी, विस्तार अधिकारी, पर्यवेक्षिका, अंगणवाडीसेविका आदी उपस्थित होते.

रायगड जिल्हा परिषद, अलिबाग येथे भारतीय प्रजासत्ताक दिनाचा ७७ व्या वर्धापन दिन उत्साहात साजरा.

दि. 01.01.2026 रोजी मा. मुख्य कार्यकारी अधिकारी नेहा भोसले मॅडम यांची वडवळ ग्रामपंचायतीला भेट, मुख्यमंत्री समृद्ध पंचायतराज अभियानांतर्गत आढावा घेण्यात आला.

Pratham Education Foundation तर्फे, व Mahanagar GAS यांच्या सहकार्याने – रायगड जिल्हा परिषदेच्या शैक्षणिक गुणवत्ता विकास कार्यक्रमा अंतर्गत जिल्हा स्तरीय प्रशिक्षण आयोजित करण्यात आले.

दि . १ नोव्हेंबर रोजी मा. कैलास पगारे सर आयुक्त एकात्मिक बाल विकास सेवा योजना व मा. विजय क्षीरसागर सर यांनी रायगड जिल्ह्यातील पेण, सुधागड व खालापूर तालुक्यातील प्रधानमंत्री जनजाती अभियान अंतर्गत ( पीएम-जनमन) अंगणवाडी केंद्राना भेट देऊन अंगणवाडी कामकाज बाबत माहिती घेतली तसेच आदिवासी विकास विभागाच्या बहुउद्देशीय केंद्राची पाहणी करून आदिवासी वाडीवरील ग्रामस्थानसोबत संवाद साधला. पेण तालुक्यातील मालवाडी या आदिवासी वाडीवरील अंगणवाडी केंद्राचे उद्घाटन मा. आयुक्त सरांच्या शुभहस्ते करण्यात आले. एकात्मिक बाल विकास प्रकल्प मार्फत विविध कार्यक्रमांचे आयोजन करण्यात आले .

लेक लाडकी योजना पात्र लाभार्थी ना धनादेश वाटप, मातृ वंदना योजना पात्र लाभार्थी ना पहिला हप्ता वितरण प्रमाणपत्र वाटप, बेबी केअर किट वाटप , अंगणवाडीतील बालकांना विद्यारंभ प्रमाणपत्र वाटप, गरोदर माता ओटीभरण , ६ महिने पूर्ण बालकाला अन्नप्राशन कार्यक्रम, नवचेतना मेळावा, आधार कॅम्प आयोजन तसेच पोषण माह २०२५ मध्ये उत्कृष्ट काम केलेल्या सेविका/ पर्यवेक्षिका यांचा सत्कार मा . आयुक्त सरांच्या हस्ते करण्यात आला. अंगणवाडी बालकांच्या नावाने विविध फळझाडे लाऊन वुक्षारोपण केले. खालापूर तालुक्यातील सक्षम किट प्राप्त अंगणवाडी केंद्राला भेट देऊन सक्षम किट मधील साहित्य व इन्स्टॉलेशन ची माहिती घेतली . सुधागड बालविकास कार्यालय मार्फत vocal for local या संकल्पनेवर आधारीत सेविकामार्फत तयार केलेल्या पाककृती पुस्तिकेचे मा. आयुक्त सर यांनी विशेष कौतुक केले.
१००० दिवस बाळाचे या पुस्तकाचे वितरण गरोदर माता , सरपंच यांना करण्यात येऊन बाळाच्या योग्य पालन पोषणासाठी पहिल्या १००० दिवसांचे महत्त्व समजाऊन सांगत अंगणवाडी सेविकांनी याबाबत जास्तीत जास्त प्रचार प्रसिद्धी करणेबाबत आवाहन केले .
सदर भेटीदरम्यान निर्मला कुचिक जिल्हा कार्यक्रम अधिकारी जिल्हा परिषद रायगड , तेजस्विनी गलांडे प्रकल्प अधिकारी आदिवासी विभाग पेन, प्रविण पाटील बालविकास प्रकल्प अधिकारी पेन, तेजस्विता करंगुटकर बालविकास प्रकल्प अधिकारी सुधागड, विशाल कोटागडे बालविकास प्रकल्प अधिकारी खालापूर तसेच बेलवडे व सिधेश्वर बुद्रुक ग्रामपंचायत सरपंच व ग्रामस्थ यांची उपस्थिती होती.

प्रा आ केंद्र नेरे पनवेल येथे स्वस्थ नारी सशक्त परिवार अंतर्गत महाशिबिराचे व रक्तदान शिबिराचे आयोजन करण्यात आले होते.या शिबिराचे उद्घाटन मा. आ श्री. प्रशांत ठाकूर यांच्या हस्ते पार पडले.
शिबिरास मा. श्री. किसन जावळे जिल्हाधिकारी रायगड,
मा. श्रीम. नेहा भोसले मुख्य कार्यकारी अधिकारी रायगड यांनी भेट देऊन मोलाचे मार्गदर्शन केले.
आज शिबिरात त्वचारोग तज्ञ,मेडिसिन तज्ञ,बालरोग तज्ञ,स्त्रीरोग तज्ञ,अस्थिरोग तज्ञ,नेत्र विकार तज्ञ,कान नाक घसा तज्ञ,दंत रोग तज्ञ यांच्याकडून तपासणी करण्यात आली व नियमित लसिकरण करण्यात आले.रक्त तपासणी,क्ष-किरण,रक्तदाब,मधुमेह,स्तन आणि गर्भाशय मुख व मुख कर्करोग तपासण्या मोफत करण्यात आल्या.आभा व आयुष्यमान काढून वाटप करण्यात आले.सदर शिबिराचा ५४१ लाभार्थ्यांनी लाभ घेतला.
शिबिरास मा. आ. श्री. विक्रांत पाटील ,मा. आ श्री. सुनिल राणे,
श्री. जितेंद्र इंगळे अप्पर तहसिलदार पनवेल,
श्री. समीर वाठारकर गट विकास अधिकारी पनवेल व पदाधिकारी उपस्थित होते.
डॉ. अपर्णा पवार
तालुका आरोग्य अधिकारी पनवेल, वैद्यकिय अधिकारी व कर्मचारी वर्ग प्रा. आ. केंद्र नेरे पनवेल ह्यांनी शिबिर यशस्वी रित्या पार पाडले.

रायगड जिल्ह्यामधील छायाचित्र

रायगड जिल्हा परिषदमध्ये ७९वा स्वतंत्र दिन साजरा.

“हर घर तिरंगा” अंतर्गत निबंध स्पर्धा- २०२५

प्रजासत्ताक दिन २०२५